ಹಾಯ್ಕುಗಳು
ಬಾಕಿ
ಉಳಿದಿರುವ
ಬದುಕು
ಶೋಕಿ
ಆಗದಿರಲಿ..
ಕೆರೆದ ಗಾಯ
ಕರೆವ ಪ್ರಾಯ
ಮೀರಿ ಹೋಗಲಾದಿತೆ?
ರಾತ್ರಿಯುದ್ದಕ್ಕೂ
ಎಣಿಸ ಕೂಡದು ಚುಕ್ಕಿ
ಮುಗಿಯದ ನೋವಿಗೆ
ಅಳುವುದೇಕೆ ಬಿಕ್ಕಿ?
--- ರನ್ನ ಕಂದ
ಹೂಗಳು
ಯಾವುದೋ ದಾರಿಯ ಬೇಲಿಯ ಹೂಗಳು ನಗುತ್ತವೆ ಪರಿಮಳದ ಅಹಮ್ಮಿನಲಿ ಸುಂದರತೆಯ ಬಿಮ್ಮಿನಲಿ ಸದಾ ಖುಷಿಯ ಧೇನಿಸುತ್ತವೆ ಒಂದೊಂದು ಹೂವಿಗೆ ಒಂದು ಚೆಂದವಿದೆ ಸೌಗಂಧವಿದೆ ಒಂದೊಂದು ದೇವರ ಮುಡಿಗೆ ಬೇಷರತ್ ಮೀಸಲಿವೆ ನಮ್ಮಂತೆ ಬದುಕು ಹಸನು ಈ ಹೂಗಳದ್ದು ಮುಡಿಯೇರಿ ನಗುತ್ತವೆ ಮಾಲೆಯ ಸೇರಿ ಹಲವು ಹೂಗುಚ್ಛದಲಿ ಅವಿತು ಕೆಲವು ಒಂದೊಂದು ಜಾಗೆಗೆ ಒಂದೊಂದು ಅರ್ಥ ನೀಡುತ್ತವೆ ಈ ಹೂಗಳು ಅಂತೆಯೇ ನಮ್ಮ ಮನದ ಹೂಗಳು ಸದಾ ಅರಳಬೇಕು ಒಲವ ಸೌಗಂಧ ಸೂಸುತ ಮುಡಿಯೇರಬೇಕು ಮುಳ್ಳುಗಳ ನಡುವೆ ಮೃದುತನವ ತೋರಬೇಕು ಈ ಹೂಗಳಂತೆ.. --- ರನ್ನ ಕಂದ
Comments