ಹೂಗಳು

ಯಾವುದೋ ದಾರಿಯ

ಬೇಲಿಯ ಹೂಗಳು ನಗುತ್ತವೆ

ಪರಿಮಳದ ಅಹಮ್ಮಿನಲಿ

ಸುಂದರತೆಯ ಬಿಮ್ಮಿನಲಿ

ಸದಾ ಖುಷಿಯ ಧೇನಿಸುತ್ತವೆ

ಒಂದೊಂದು ಹೂವಿಗೆ 

ಒಂದು ಚೆಂದವಿದೆ

ಸೌಗಂಧವಿದೆ

ಒಂದೊಂದು ದೇವರ ಮುಡಿಗೆ

ಬೇಷರತ್ ಮೀಸಲಿವೆ

ನಮ್ಮಂತೆ ಬದುಕು ಹಸನು

ಈ ಹೂಗಳದ್ದು

ಮುಡಿಯೇರಿ ನಗುತ್ತವೆ 

ಮಾಲೆಯ ಸೇರಿ ಹಲವು

ಹೂಗುಚ್ಛದಲಿ ಅವಿತು ಕೆಲವು

ಒಂದೊಂದು ಜಾಗೆಗೆ 

ಒಂದೊಂದು ಅರ್ಥ ನೀಡುತ್ತವೆ

ಈ ಹೂಗಳು

ಅಂತೆಯೇ ನಮ್ಮ ಮನದ ಹೂಗಳು

ಸದಾ ಅರಳಬೇಕು

ಒಲವ ಸೌಗಂಧ ಸೂಸುತ

ಮುಡಿಯೇರಬೇಕು

ಮುಳ್ಳುಗಳ ನಡುವೆ

ಮೃದುತನವ ತೋರಬೇಕು

ಈ ಹೂಗಳಂತೆ..

--- ರನ್ನ ಕಂದ