ಮಳೆಬಿಲ್ಲು
ಮಳೆ ಬಿಲ್ಲಿಗೆ ಬಳಿದ ಬಣ್ಣಗಳೆಲ್ಲ ಕರಗಿ ನೀರಾದಾಗ ನೀನೂ ಇಲ್ಲವಾಗಿದ್ದೆ.. ಆಗನ್ನಿಸಿತು ನೀನೂ ಸಹ ಕ್ಷಣಿಕ,ಅಪರೂಪ ಎದೆಯ ಮಳೆಬಿಲ್ಲನ್ನೇರಿ ಕುಳಿತಾಗಲೇ ಅನ್ನಿಸಿತ್ತು, ನೀನೂ ಜಾರುವವಳೇ, ಕರಗುವವಳೇ.. ---ಸಚಿನ್ ಕುಮಾರ ಬಿ.ಹಿರೇಮಠ
Popular posts from this blog
ಶಕ್ತ
ನೀನಾಗಲಿ, ನಿನ್ನ ನೆನಪುಗಳಾಗಲಿ ಬರಕೂಡದೆಂದು ನನ್ನೆದೆಗೆ ಬೀಗ ಜಡೆದುಕೊಂಡು ಕೀಲಿ ಕೈ ಕಳೆದುಕೊಂಡೆ ಸಂಬಂಧಗಳನ್ನೆಲ್ಲಾ ತೊಳೆದುಕೊಂಡೆ ಮನಸಿನೊಳಗೆ ನಿನ್ನ ಕನಸುಗಳು ತೂರದಂತೆ ಬೇಲಿ ಹಾಕಿಕೊಂಡೆ ಕಣ್ಣು ರೆಪ್ಪೆಗಳನ್ನು ಹಿಂಡಿ ನಿನ್ನ ಜಾರಿಕೊಂಡೆ ಇವೆಲ್ಲವನ್ನು ಮೀರಿ ನೀ ನನ್ನೊಳ ಬಂದೆ ಹೇಗೆ ಸಾದ್ಯ ಎಂದಾಗ ಪ್ರೀತಿ ಎಂದೆ ಪ್ರೀತಿ ಇಷ್ಟು ಶಕ್ತವೇ…? — ಸಚಿನ್ ಕುಮಾರ ಬಿ.ಹಿರೇಮಠ
ಸುತ್ತ ಸುಳಿವವಳೇ...
ಚಿತ್ತ ಚಂಚಲವಾಗದಂತೆ ಸುತ್ತ ಸುಳಿದವಳೇ ಮತ್ತೇನು ಕುಶಲೋಪರಿ ಎಂದು ಮುತ್ತನೀವವಳೇ ಅಂತರಂಗದ ಅಂತಃಪುರದಲಿ ಅಂತರಾಂತರ ಎಣಿಸುವವಳೇ ಇಂತು ರಾಗದಿ ಕುಂತು ಮುದದಲಿ ಅಂತರ್ಧಾನವಾಗುವವಳೇ ಮಬ್ಬಿನಲೆ ತಬ್ಬುತಿಹ ಎಳೆ ಶಶಿಯಾಗಸವ ಉಬ್ಬುತಲಿ ಹಬ್ಬವದು ಸಖಿ ಸಖನೆದೆಯಾಗಸವ -- ರನ್ನ ಕಂದ
ಕನಸುಗಳು...
ಸಾಲುಗಟ್ಟಿ ಕುಳಿತಿವೆ ಕನಸುಗಳು ಮನದ ಬಾಲ್ಕನಿಯಲ್ಲಿ.. ನನಸಾಗಿ ಹಾರುವ ಹಸಿ ನಿರೀಕ್ಷೆಯಲ್ಲಿ ಇರುಳಿನ ತುಂಬ ಇಣುಕುತ್ತಿವೆ… ಬುದ್ಧ, ಬಸವ, ಗಾಂಧೀ, ನೆಹರು ಹೀಗೆ ನುಸುಳುತ್ತಿವೆ ನೂರಾರು.. ಚುಕ್ಕಿ ಚಂದ್ರಮರೆತ್ತರಕೆ ಚಿಮ್ಮಿದರೂ ಬಲುಗಟ್ಟಿ ಹೃದಯಂತರಾಳದ ಬೇರು… ಹಸಿದವರ ಬವಣೆ ನೀಗಿಸೋ ಕನಸು.. ಜಗದಳುವ ನೀಗಿ ನಗಿಸೋ ಕನಸು.. ಇಂಥ ಸ್ವಚ್ಛಂದಮಯ ಕನಸುಗಳಿಗೆ ಹಾತೊರೆಯುತ್ತಿದೆ ಎನ್ನ ಮನಸು…. —-ಸಚಿನ್ ಕುಮಾರ ಬಿ.ಹಿರೇಮಠ
ಜತೆಯಾದರೆ ನೀವು....
ಹಾಯ್ ಗೆಳೆಯರೆ, ನಿಮ್ಮ ಒಳಗಿನ ಲೇಖಕ ಲೇಖಕಿಯನ್ನು ಬರೆಯಲು ಕೂಡಿಸಿ. ನಿಮ್ಮ ಬರಹಗಳನ್ನು ನನ್ನ ಿಮೇಲ್ ವಿಳಾಸಕ್ಕೆ ಕಳುಹಿಸಿ. ನನ್ನೊಂದಿಗೆ ಸಾಥ್ ನೀಡಿ.ಸದ್ಯ ಮುಧೋಳದ ನನ್ನ ತಮ್ಮ ನವೀನ್ ಕುಮಾರ ಬಿ.ಹಿರೇಮಠ, ಗೆಳತಿ ರಾಜೆಶ್ವರಿ ಬಿ.ಕೆ ಹಾಗೂ ಗೆಳೆಯ ಸಂಗಮೇಶ ಯಾಳವಾರ ಈ ಸಲ ನಿಮ್ಮ ಮುಂದಿದ್ದಾರೆ.. -ಸಚಿನ್ ಕುಮಾರ ಬಿ.ಹಿರೇಮಠ, sachin_b1985@yahoo.co.in
ಹೊದಿಕೆ
ಚೆಲುವೆ ಮತ್ತೇ ಬಂತು ಚಳಿಗಾಲ ಮೈ ಕೊರೆವ ಚಳಿ ನನಗೆ ಅಪ್ಪಿತಪ್ಪಿಯೂ ನೆನಪಾಗುತ್ತಿಲ್ಲ ಬೆಚ್ಚಗಿನ ಹೊದಿಕೆ ಆದರೆ ಬೆಂಬಿಡದೆ ಕಾಡುತಿವೆ ನಿನ್ನಪ್ಪುಗೆಯಲಿ ಕಳೆದ ಬೆಚ್ಚನೆಯ ಗತರಾತ್ರಿಗಳ ನೆನಕೆ.. ----ಮಹಾಂತೇಶ ದೊಡ್ಡಮನಿ
ಗರ್ಭಿಣಿ
ನಿನ್ನ ನೆನಪುಗಳನೇ ಹೊತ್ತ ನನ್ನ ಮನಸು ಚಿರ ಗರ್ಭಿಣಿ ---ಸಚಿನ್ ಕುಮಾರ ಬಿ.ಹಿರೇಮಠ
ಹೆಜ್ಜೆ ಇಟ್ಟಿದ್ದೇನೆ...
ಹೆಜ್ಜೆ ಇಟ್ಟಿದ್ದೇನೆ ಇಡೀ ಬದುಕಿಗೆ ಶ್ರಮದ ಹೆಗಲಲಿ ಆಶೋತ್ತರಗಳ ಹೊತ್ತು ಹಾದಿಯ ಬದಿಗೆ ಮುಗುಳ್ನಗುವ ಹೂ ಹೇಳ ಹೊರಟಿದೆ ಹೊಸ ವಿಚಾರವನೊಂದು ದಾರಿಯಲ್ಲಿನ ಕಲ್ಲುಗಳೂ ಸಹ ಕೋರುತಿವೆ ಅವಕಾಶವನೊಂದು ಮೆಟ್ಟಿದರೂ ಮೇಲೇಳುವ ಬಗೆಯ ಕಲಿಸುತಿದೆ ಗರಿಕೆ ಹುಲ್ಲು ಅಪ್ಪಳಿಸುವ ತೊರೆಗೆ ಎದೆ ನೀಡುವುದ ಕಲಿಸುತಿದೆ ತೀರದ ಕಲ್ಲು ನೋವಿನಲೂ ನಗುವುದನು ತೋರುತಿದೆ ಫಲ ಹೊತ್ತ ಮರವು ನಗುವಿನಲೂ ನರಳುತಿವೆ ನೋವುಗಳ ಅಪಸ್ವರವು ಹೆಜ್ಜೆ ಇಟ್ಟಿದ್ದೇನೆ ಅರ್ಧ ದಾರಿಗೆ ಅರ್ಥವಾಗುವವರೆಗೂ ನಡೆಯಲೇಬೇಕು ಎಲ್ಲವನೂ ಹೊತ್ತು. -- *ರನ್ನ ಕಂದ*
ಕನಸುಗಳು...
ಸಾಲುಗಟ್ಟಿ ಕುಳಿತಿವೆ ಕನಸುಗಳು ಮನದ ಬಾಲ್ಕನಿಯಲ್ಲಿ.. ನೆನಪಾಗಿ ಹಾರುವ ಹಸಿ ನಿರೀಕ್ಷೆಯಲ್ಲಿ ಇರುಳಿನ ತುಂಬ ಇಣುಕುತ್ತಿವೆ... ಬುದ್ಧ, ಬಸವ, ಗಾಂಧೀ, ನೆಹರು ಹೀಗೆ ನೂರಾರು.. ಚುಕ್ಕಿ ಚಂದ್ರಮರೆತ್ತರಕೆ ಚಿಮ್ಮಿದರೂಬಲುಗಟ್ಟಿ ಹೃದಯಂತರಾಳದ ಬೇರು... ಹಸಿದವರ ಬವಣೆ ನೀಗಿಸೋ ಕನಸು..ಜಗದಳುವ ನೀಗಿ ನಗಿಸೋ ಕನಸು..ಇಂಥ ಸ್ವಚ್ಛಂದಮಯ ಕನಸುಗಳಿಗೆ ಹಾತೊರೆಯುತ್ತಿದೆ ಎನ್ನ ಮನಸು.... --- ಸಚಿನ್ ಕುಮಾರ ಬಿ.ಹಿರೇಮಠ
ಒಲುಮೆ
ನಿನ್ನ ನಗುವಿನೊಳಗೇನು ಅಷ್ಟು ಶಕ್ತಿ? ಅವಿತಂತೆ ಭಕ್ತನಲಿ ದೇವರ ಭಕ್ತಿ.. ಬೆಳದಿಂಗಳಾಗುತಿದೆ ತಾ ಸುಡುವ ಬಿಸಿಲು ಭೋರ್ಗೆರೆದು ಹರಿಯುತಿದೆ ಈ ಪ್ರೇಮದಾ ಹೊನಲು ---ಸಚಿನ್ ಕುಮಾರ ಬಿ.ಹಿರೇಮಠ
Comments