ಆಶಯ
ನೆಲದ ತವಕ
ಸಸಿಗೆ ನೆವಕ
ರವಿಯ ಬೆಳಕು
ಹೃದಯ ಸ್ಪರ್ಶ
ಹೊಸದೊನ್ದು
ಬದುಕು..
ಎದೆಯ ಗುಡಿಯಲಿ
ತಮದ ಜಾಡು
ಅರಿವ ಬೆಳಕಿನ ಕೋಲು
ಪುನಃ ತಮದ ಸೋಲು
ತನುವ ಪಣತಿಗೆ
ಒಲುಮೆ ತೈಲವ ತುಮ್ಬಿ
ಅರಿವ ಕಿಡಿ ಮುಡಿಸಬೇಕು
ಬದುಕೇ ಹೊಸ ಬೆಳಕು
ಅದು ಜಗವ ಬೆಳಗಬೇಕು..
--ಸಚಿನ್ ಕುಮಾರ ಬ.ಹಿರೇಮಠ(ರನ್ನ ಕಂದ)
ಹೂಗಳು
ಯಾವುದೋ ದಾರಿಯ ಬೇಲಿಯ ಹೂಗಳು ನಗುತ್ತವೆ ಪರಿಮಳದ ಅಹಮ್ಮಿನಲಿ ಸುಂದರತೆಯ ಬಿಮ್ಮಿನಲಿ ಸದಾ ಖುಷಿಯ ಧೇನಿಸುತ್ತವೆ ಒಂದೊಂದು ಹೂವಿಗೆ ಒಂದು ಚೆಂದವಿದೆ ಸೌಗಂಧವಿದೆ ಒಂದೊಂದು ದೇವರ ಮುಡಿಗೆ ಬೇಷರತ್ ಮೀಸಲಿವೆ ನಮ್ಮಂತೆ ಬದುಕು ಹಸನು ಈ ಹೂಗಳದ್ದು ಮುಡಿಯೇರಿ ನಗುತ್ತವೆ ಮಾಲೆಯ ಸೇರಿ ಹಲವು ಹೂಗುಚ್ಛದಲಿ ಅವಿತು ಕೆಲವು ಒಂದೊಂದು ಜಾಗೆಗೆ ಒಂದೊಂದು ಅರ್ಥ ನೀಡುತ್ತವೆ ಈ ಹೂಗಳು ಅಂತೆಯೇ ನಮ್ಮ ಮನದ ಹೂಗಳು ಸದಾ ಅರಳಬೇಕು ಒಲವ ಸೌಗಂಧ ಸೂಸುತ ಮುಡಿಯೇರಬೇಕು ಮುಳ್ಳುಗಳ ನಡುವೆ ಮೃದುತನವ ತೋರಬೇಕು ಈ ಹೂಗಳಂತೆ.. --- ರನ್ನ ಕಂದ
Comments